शुक्रबार, साउन ४, २०८१
  • होमपेज
  • कला /साहित्य
  • सुदुर पश्चिमका साहित्य सर्जक पारस भट्ट प्यासीका दुई उतकृष्ट गजल

सुदुर पश्चिमका साहित्य सर्जक पारस भट्ट प्यासीका दुई उतकृष्ट गजल

  • सोमवार, बैशाख १०, २०८१
सुदुर पश्चिमका साहित्य सर्जक पारस भट्ट प्यासीका दुई उतकृष्ट गजल

गजल १
कसैलाइ माँखा कसैलाइ सङला कसैलाइ मच्छर मान्णै
आफुलाइ मात्रै मान्स दुनियाँलाइत घोडा खच्चर मान्णै

मेरि प्रगती नाइ भै मेरि प्रगती नाइभै कि भन्चै घुइर्या दा
भाइर काइ नखुस्या सबहै लड्यालो बिस्तारा रे घर मान्णै

आकाश जहाज चलुन्यालै मुइहै नना हन भन्णै गफ दिनै
काम तुइ सिन्कौलै भाँच्च नसक्द्याआफुलाइ जबर मान्णै

तुइ धेकी रिस नमाणी मान्स तेरि लाण खन्द्या माणन्नात
न कसैको बिस्वास गद्दै न आस गद्दै न कसैको भर मान्णै

मान्सुनले जिउँनाइ बिशालु स्याप घाँटिन झुन्णेइ हल्या
तेरि प्रगती किहन्छे दा अफनी छाइल धेकी डर मान्णै

गजल २
जिबणो खुबै सलबल गरन्छ थोक्कौइ पिया पछा
अन्यारी रात पन दिन हन्छ थोक्कौइ पिया पछा

जो घर पुतारीका नज्क झनाइलै असजी मान्णो
बाटा बटौन्याकालै मुक तकन्छ थोक्कौइ पिया पछा

खल्डिका रुप्या सकिझनान् बोत्तल ठोक्का ठोक्का
मन आजि खौँ आजि खौँ भन्छ थोक्कौइ पिया पछा

ब्याउली जँस्या उस्यारिब हुँ हम मुख छोप्या सरमले
नाच्च्या गौँन्या मनपनि लागन्छ थोक्कौइ पिया पछा

कौइ ज्वान अरे भौत रहणी हुनो कौइ बटा घोप्टिनो
कौइत कसैलाइ गाली सिटन्छ थोक्कौइ पिया पछा

पारस भट्ट “प्यासी ” मेलौलि दुई “सुन्दर भुमी “सेलि बैतडी

चर्चामा

सम्बन्धित समाचार